வெறித்து பார்ப்பதற்கென்றே

வெறித்து பார்ப்பதற்கென்றே

 எனக்கென ஒரு சாளரம்

பூட்டியே கிடக்கிறது

மங்கலான நிழல்கள்

நடமாடியபடி ஒரு

வாசல்படி இருக்கிறது

என்னறையின்    இருளை கிழித்தபடி

கூரையின் ஓட்டையில்

ஊடுருவி பாய்கிறது

ஒரு தனித்த நட்சத்திர ஒளி

எப்போதும் இந்த

கிளையில் வந்தமர்கிறது

சிறகுகள் உதிர்கிற

ஒரு அயல்தேச பறவை

வெறித்து பார்ப்பதற்கென்றே

வளர்ந்து அசைகிறது

அந்த கீழ்வீட்டு மரக்கிளை

பொழுது சாயும்

நேரத்தில் வந்து போகிறது

அந்த கரிச்சான் குருவி

வெறித்து பார்ப்பதற்கு 
மட்டுமே கூடிய வகையில் 

இந்த தலையில் அத்தனை
தூக்க முடியாத பளு

விடாது பெய்து கொண்டேயிருக்கிறது 
ஒரு அடர் மழை

சூரியன் உதிக்கிறது

நிலவு வருகிறது

ஓரிரு வின்மீன்கள்

தூரத்தொலைவுகளில்

வெறித்து பார்ப்பதற்கு மட்டுமே 
வசதியாய் இருக்கிறது

பல வருடமாய் என் 

பின்னோக்கியே நிற்கும்  மனம்

நர்மி

26.7.2018